Qaskúnemder tirekten metall urlaý kezinde zardap shekti
ASTANA. Mamyrdyń 11-i. QazAqparat. Júıelik operatordyń Ulttyq dıspetcherlik ortalyǵynyń aqparaty boıynsha, ústimizdegi jyldyń 10 mamyr kúni Astana ýaqytymen 03.43-te «Qostanaı - Chelıabi» 1103 ÁJ tirektiń qulaýy saldarynan toq kózinen ajyratyldy. «Ýral - Qazaqstan - Sibir» baǵyty boıynsha elektr energııasynyń memleketaralyq tranzıti tolyq kólemde júzege asyrylýda,
dep habarlady «KEGOC» AQ Sarybaı JET bas ınjeneri Vasılıı Lednev.
Jedel kómekke kelgen dárigerler aýyr jaraqat alýshynyń temir qursaýdan bosanǵanyn kútti. Metall buryshtamalar onyń aıaǵyn qysyp qalyp, tobyq súıegin kesip ótken. Qalǵan ekeýiniń izine túsken polıtseıler qylmystyń izin sýytpaı, olardy da ustady.
«Qazaqstan-Ýral» ýchaskesindegi elektr energııasy tasymaly №178 tiregi qulap, toqtan ajyraǵannan keıin basqa torap - «Qostanaı - Sokol» 509-6 L iske qosý arqyly júzege asyrylýda. «Ýral - Qazaqstan - Sibir» baǵyty boıynsha qýat aǵyny 850 MVt deńgeıinde saqtalyp otyr.
Qazirgi ýaqytta «KEGOC» AQ-nyń apatty jóndeý brıgadasy joǵary jıilikti kerneýi 1150 bolatyn "Barnaýl-Ekibastuz-Kókshetaý-Qostanaı-Chelıabi" elektr jetkizý jelisinde qoldanylatyn V-úlgisindegi POG 1150-5 tıpti (bıiktigi 46 m., salmaǵy -22 tonna) metall tiregin aýystyrý jumystaryn júrgizýde. Jeliniń jalpy uzyndyǵy - 1900 shaqyrym, al qazaqstandyq ýchaskesiniń uzyndyǵy 1400 shaqyrym.
Elektr energetıkasy nysandarynda jasalatyn qylmysty isterdiń aldyn alý jáne qylmyskerlerdi jazalaý sharalary aıasynda urlanǵan metall buıymdary men elektr jabdyqtaryn qara jáne tústi metaldardy qabyldaý pýnktterinde zańsyz satyp alý jaǵdaılary anyqtalýda. Urlyq jasaǵan adamdarǵa sot sheshimi qabyldanǵanǵa deıin qylmystyq is qozǵalady. Bul qylmystyq is urlyq retinde tekseriledi.
Máselen, 2008 jyly Aqmola oblysynda joǵary voltti elektr jetkizý jelileriniń tirekterinen metall buryshtamalaryn urlaý isi boıynsha sottalǵan birneshe adamdy QR Qylmystyq Kodeksiniń 175 babyna sáıkes 3 jyl bas bostandyǵynan aıyrý týraly úkim shyǵaryldy.
