Qaskóıler betine qyshqyl shashyp jibergen velosıpedshini órt sóndirýshiler qutqardy
ASTANA. QazAqparat - Jelide Londondaǵy polıtsııa qyzmetkerleriniń betine hımııalyq qyshqyl shashyp jibergen jasóspirimge alǵashqy kómek kórsetip jatqany týraly jantúrshigerlik fotosýretter paıda boldy.
Búgin tańerteń saǵat 10 shamasynda 17 jastaǵy jigit Kensıngton saraıynyń janynan velosıpedpen ótip bara jatqan kezinde oǵan shabýyl jasalǵan.
Daily Mail málimetinshe, jigitke dereý alǵashqy medıtsınalyq kómek kórsetildi. Fotosýretterde órt sóndirýshilerdiń jigittiń sýmen jýynýyna kómektesip jatqandyǵy kórsetilgen. Osydan keıin ol ary qaraı em alý úshin aýrýhanaǵa jetkizildi.
Bul hımııalyq qyshqylmen jasalǵan shabýyl - Londonda sońǵy birneshe aıda ekinshi ret qaıtalanyp otyrǵan kezekti qylmystyq oqıǵa. Mundaı qylmysqa tórt jyl bas bostandyǵynan aıyrý jazasy taǵaıyndalady.
