Qaskeleńnen Almatyǵa aparar jol segiz jolaqty bolady
ASTANA. KAZINFORM - Qaskeleńnen Almatyǵa aparatyn jol 8 jolaqqa deıin keńeıtilip, bes arnaıy kólik estakadasy salynady. Bul týraly Almatyǵa jumys sapary aıasynda barǵan Kólik mınıstri Marat Qarabaev aıtty.
Jumys Memleket basshysynyń Almaty aglomeratsııasyn damytý jónindegi tapsyrmasy aıasynda júrgiziledi. Qurylys eki kezeńde júrgizilmek.
Birinshi kezeń aıasynda ÚAAAJ-nan (Úlken Almaty aınalma avtomobıl joly) Qaskeleń ótkeline deıingi ýchaske qamtylsa, ekinshi kezeńde Qaskeleń ótkelinen Áıteı aýylyna burylysqa deıingi ýchaske qamtylmaq. Jobalaý jumystary bastaldy.
Atalǵan shara kólik qatynasyn jaqsartýǵa jáne jol júrý ýaqytyn edáýir qysqartýǵa múmkindik beredi dep josparlanǵan. Sóz etilgen ýchaskedegi ótkizý qabileti táýligine 60 myńnan 90 myń kólikkk deıin ulǵaıady. Joldyń keńeıýi keptelistiń tómendeýine ákeledi dep josparlanyp otyr.
Avtokólik júrgizýshileri men jaıaý júrginshiler úshin qozǵalys qaýipsizdigin qamtamasyz etý úshin mamandar 12 jer ústi jaıaý júrginshiler ótkelin salady.
Almaty joldary jańa tehnologııamen jóndelip jatqanyn jazǵan bolatynbyz.