Qaskeleńdegi sapasyz kóshelerdiń máselesin Prezıdent baqylaýyna aldy
Telearna sıýjetinde Qaskeleńniń Qoıtas degen ortaq ataýy bar kóshelerindegi joldyń sapasyzdyǵy, ondaǵy úı aýlalaryna kirip-shyǵý qıyn ekeni aıtylǵan bolatyn. Qarasaı aýdanynyń ákimi telearnaǵa shaǵymdanǵan turǵyndarmen kezdesip, máseleni jýyq arada retteýge ýáde berip otyr.
«Prezıdent óziniń nazarynda ustap otyr, biledi sizderdiń problemalaryńyzdy. Bıznes ókilderimen máseleni sheshemiz. Sizder kósheni keńeıtip, ári qaraı shyǵarý kerek degen talap qoıyp otyrsyzdar. Ol talapty oryndaımyz. Oǵan qajet jer jeke menshikte eken. Onyń ıesimen de shaqyryp sóılesemiz. Qazir osy bar kósheni rettep, asfalt salyp, baǵanalardyń ishkeri kirip ketkenderin túzetip qoıýymyz kerek. Eń bastysy, jerdiń máselesin sheship alsaq, ári qaraı atqaramyz, qarajat bólinedi. Jobasyn jasaımyz. Asfalt salaıyq, elektr jelisin jańalaıyq»,- dedi ákim Jasulan Estenov kóshe turǵyndarymen kezdesýinde.
Vıdeodan alyn ǵ an kadr