Qaskeleńdegi órt bir adamnyń ómirin qıyp ketti
TALDYQORǴAN. QazAqparat - Almaty oblysynyń Qarasaı aýdany Qaskeleń qalasynda bes qabatty úıdiń páteri órtenip, bir adam kóz jumdy, dep habarlaıdy QazAqparat tilshisi.
«40 páterli, 5 qabatty turǵyn úıdiń 5-qabatynda bir bólmeli páterde órt shyqqany anyqtaldy. Jıhaz, úı zattary janyp ketti. Almaty oblysy TJD qyzmetkerleri 20 adamdy evakýatsııalady. 4 adam qutqaryldy. 50 adam óz betterimen shyqqan. Páter ıesi shuǵyl Qaskeleń qalasyndaǵy aýrýhananyń jansaqtaý bólimshesine jetkizildi. Ókinishke oraı, esin jımastan sol jerde qaıtys boldy. Órttiń shyǵý sebebi anyqtalýda, oqıǵa ornynda órt sóndirý zerthanasy jumys isteýde», - delingen Almaty oblystyq TJD baspasóz qyzmetiniń habarlamasynda.
