Qaskeleńdegi bala satý: anasynan basqalary kepilmen bosatyldy
TALDYQORǴAN. QazAqparat - Almaty oblysyndaǵy Qaskeleńdegi aýrýhanada jańa týǵan náresteni satpaq jáne satyp almaq bolǵandar kepilmen bosatyldy. Atalǵan faktini oblystyq ІІD baspasóz qyzmeti rastady, dep habarlaıdy QazAqparat tilshisi.
«Sottyń sheshimimen náresteniń anasynan basqalary kepilmen bosatyldy. Biraq osy fakti boıynsha qansha kúdiktiniń tergelip jatqanyn jarııa ete almaımyz», - dep málim etti oblystyq ІІD baspasóz qyzmetiniń jetekshisi Sergeı Neznaev.
Bıresmı málimet boıynsha náresteni satyp almaq bolǵan otbasy ókili kepilmen bostandyqqa shyǵý úshin 12 mln teńge nesıe alǵan. Al náresteniń týǵan anasy 20 jastaǵy áıel.
Esterińizge sala keteıik, Almaty oblysynda jańa týǵan shaqalaqty aqshaǵa aıyrbastap jatqan jerinen qylmystyq top ustalǵan bolatyn. Polıtseıler Qaskeleńdegi aýrýhanada bolyp jatqan sumdyq jáıttiń ústinen túsken. Qazir osy fakti boıynsha QR QK 135 babynyń 2 bóligi boıynsha tergeý jalǵasýda.
