Qaskeleńde turǵyn úı janynan er adamnyń máıiti tabyldy

QASKELEŃ. QazAqparat - Almaty oblysynyń Qarasaı aýdany Qaskeleń qalasynda er adamnyń múrdesi turǵyn úı kesheniniń janynan tabyldy, dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, er adamdy óltirdi degen kúdikpen taksı júrgizýshisi ustaldy.

«29 mamyr kúni saǵat 17:00 shamasynda Qarasaı aýdandyq polıtsııasyna «Qarlyǵash» turǵyn úı kesheniniń shlagbaýmnan shyǵa beris tusynda er adamnyń múrdesi jatqany habarlandy. Tártip saqshylary birden oqıǵa ornyna jetip, 1976 jylǵy Qaskeleń qalasynyń turǵynyn ustady. Kúdikti jábirlenýshimen janjaldasyp qalǵanyn, sońynda oǵan buraǵyshty júrek tusyna tyǵyp alǵanyn moıyndady. Er adam alǵan jaraqatynan oqıǵa ornynda kóz jumǵan»,- delingen vedomstvonyń habarlamasynda.

Qazir kúdikti qamaýda. Aıǵaq zattar tárkilenip, qylmystyq is tergelip jatyr.