Qaskeleńde sottan qashqan kúdikti áli ustalǵan joq - ІІM

ASTANA. KAZINFORM – Іshki ister mınıstriniń orynbasary Igor Lepeha zorlaý deregi boıynsha ustalǵan kúdiktiniń Qaskeleń qalasyndaǵy aýdandyq sot zalynan qashyp ketýi oqıǵasyna qatysty túsinik berdi.

- Kúdiktiniń qashyp ketýi boıynsha is qozǵaldy, áli izdestirip jatyrmyz, - dedi I. Lepeha Parlament Májilisinde tilshilerdiń suraǵyna jaýap bere otyryp.

Onyń aıtýynsha, jumysyna selqos qaraǵan ishki ister organdary qyzmetkerlerine qatysty is qozǵaldy.

Budan buryn habardanǵandaı, adam zorlady degen kúdikpen ustalǵan aıyptalýshy Qaskeleń qalasyndaǵy aýdandyq sot zalynan qashyp ketti.

Jelide Almaty oblysyndaǵy avtojoldarda polıtsııa qyzmetkerleriniń tekseris júrgizip jatqan beınejazbalary tarady.

Qamaýǵa alynǵan kúdiktiniń qashyp ketý faktisi boıynsha qylmystyq is qozǵalyp, qashqyndy ustaý boıynsha is-sharalar kesheni qabyldandy. Sonymen qatar bolǵan oqıǵanyń barlyq mán-jaıyn anyqtaý maqsatynda qyzmettik tekserý taǵaıyndalǵany habarlandy.