Qaskeleńde mas áıel kópirden sekirmek bolǵan
ALMATY OBLYSY. QazAqparat - Almaty oblysynda mas áıel ózin kópirden sekirmekke árekettengen. Bul týraly «QazAqparat» Polisia.kz saıtyna silteme jasap habarlaıdy.
Qaskeleńde patrýldik polıtsııa rotasynyń komandıri B.Jarqynbekov pen RPP qyzmetiniń ınspektory N.Jumataev Jer-Ana bazaryna irgeles aýmaqty baqylap júrgen. Quqyq qorǵaý organdarynyń qyzmetkerleri Qaskelenka ózeniniń boıynda Asqarov kóshesindegi kópirde turǵan áıeldi baıqap qalady. Ol kópir qorshaýyna qolymen ustap turyp, tómen sekirgisi keletinin aıtqan. Polıtseıler esh oılanbastan oǵan kómekke umtyldy.
36 jastaǵy qala turǵynynyń alkogoldik mas kúıde bolǵany anyqtaldy. Ol bul áreketiniń sebebin túsindirgisi kelmedi. Al uıyqtap turǵannan keıin polıtsııa qyzmetkerleri mundaı jaǵdaı qaıtalanbaıtynyna kepildik alyp, ustalǵan áıeldi úıine jiberdi.
