Qaskeleńde kóshe boıymen qalyń jylqyny shubyrtyp aıdaǵandar jaýapqa tartyldy

QONAEV. QazAqparat - Qaskeleńde 200-ge jýyq jylqyny trassamen aıdap ótken turǵyn jaýapkershilikke tartyldy, - dep habarlaıdy QazAqparat tilshisi.

30 mamyrda áleýmettik jelilerge monıtorıng júrgizý barysynda Qaskeleń qalasynyń kósheleriniń birinde bireýler qalyń jylqyny shubyrtyp aıdap bara jatqany túsirilgen beıne anyqtaldy.

«Derek aýdandyq polıtsııada tirkeldi. Іzdestirý jumystary barysynda Qarasaı aýdany PB JPQB qyzmetkerleri QR ÁQBtK-niń 408-baby 1-bóligi (aýyl sharýashylyǵy janýarlaryn jaıý qaǵıdalaryn buzý), sondaı-aq QR ÁQBtK-niń 505-baby 1-bóligi (aýmaqtardy abattandyrý qaǵıdalaryn buzý) boıynsha úsh azamatty anyqtap, ákimshilik jaýapkershilikke tartty»,- delingen Almaty oblystyq polıtsııa departamenti baspasóz qyzmetiniń habarlamasynda.

Sondaı-aq, quqyq buzýshylarmen budan bylaı mundaı faktilerge jol bermeý boıynsha túsindirme jumystary júrgizildi.