Qaskeleńde eki jigit bankomatty tonap, 12,8 mln teńgeni alyp ketken

ASTANA. QazAqparat - Almaty oblysynyń polıtseıleri bankomatty tonaǵan kúdiktilerdi qolǵa túsirdi, dep habarlaıdy QazAqparat polıtsııaǵa silteme jasap.

14 tamyz saǵat 13:42-de Qarasaı aýdanynyń polıtsııasyna 35 jastaǵy A. esimdi azamatsha habarlasqan.

Ol saǵat 08:00 shamasynda Almalybaq aýylynda ornalasqan bankomattan kiltti tańdaý arqyly belgisiz adamdar medıtsınalyq maskamen 12 mln 882 myń teńge kóleminde aqsha urlaǵanyn jetkizdi.

Іs QR QK 188-baby 4-bóligi boıynsha aýdandyq polıtsııada tirkeldi.

A. esimdi eki kúdikti ustaldy.

Olar 1998 jáne 1999 jyly týǵan Qaskeleń qalasynyń turǵyndary bolyp shyqty.

Azamattar ızolıatorǵa qamaqqa alyndy.

Tergeý barysynda urlanǵan aqsha túrindegi zattaı dáleldeme alynyp, is materıaldaryna qosa tirkeldi.

Qazirgi ýaqytta saraptama taǵaıyndalyp, qajetti tergeý amaldary júrip jatyr.

Kúdiktilerdiń basqa da osyndaı qylmystarǵa qatysy bar-joǵy tekserilýde.