Kaskeleńde Baqytbek Esentaevtyń isi boıynsha basty sot otyrysy bastaldy
ALMATY. QazAqparat - Qaskeleńde qylmystyq ister jónindegi mamandandyrylǵan aýdanaralyq sotta Baqytbek Esentaev isi boıynsha bas sot otyrysy bastaldy, dep habarlady «QazAqparat» HAA tilshisi.
Sotqa aıyptalýshynyń týystary keldi. Baıan Esentaeva sotqa kelmedi.
«Taraptardyń ókilderi kelgen soń sot zalynda alqa bıler irikteledi», - dep atap ótti aıyptalýshynyń advokaty Bekbolat Jekseıitov.
Eske sala keteıik, Baıan Esentaeva emdelýin jalǵastyrýda. Oqys oqıǵa 10 maýsymda oryn aldy. Esentaev ony pyshaqpen jaraqattaǵan.
Telejúrgizýshi aýyr halde Talǵar aýrýhanasyna jetkizilgen. Onda oǵan ota jasaldy. Al kúıeýi Baqytbek Esentaev Talǵar AІІB-ge jetkizildi.
Atalǵan fakt boıynsha QR QK-niń 106-baby boıynsha qylmystyq is qozǵaldy. Keıin qylmystyq is QR QK-niń 99-baby 1-bólimi jáne 24-babynyń 3-bólimine aýystyryldy.
Aıyptalýshyǵa QR QK 120-baby 1-baby, 121-babynyń 1-bólimi, 99-babynyń 1-bólimi, 24-babynyń 3-bólimi boıynsha aıyptar taǵyldy.
Sot jabyq rejımde ótýde. Esentaevtardyń qyzy - Aısáýle Baqytbek sotta ákesin qorǵaıdy. Іsti alqa bıler soty qaraıdy.
