Qaskeleń shatqalynda orman órtenip jatyr
ALMATY. KAZINFORM – Almaty oblysyndaǵy Qaskeleń shatqalynda jeke menshik jer ýchaskesinen memlekettik orman qory aýmaǵyna taraǵan órt oqshaýlandy, dep habarlaıdy Іle-Alataýy memlekettik ulttyq tabıǵı parki.
28 qazanda Aqsaı fılıalyna qarasty Qaskeleń ormanshylyǵy aýmaǵynda orman órti tirkelgen.
Órt ulttyq park aýmaǵynda ornatylǵan orman órtterin erte anyqtaý júıesi arqyly saǵat 13:14-te baıqalǵan.
Taýly jer bederi men órt oshaǵyna tehnıkanyń jetýi qıyn bolǵandyqtan, órt sóndirý jumystary saǵat 14:00-de bastaldy.
– Jeke menshik jer ýchaskesinen memlekettik orman qory aýmaǵyna taralǵan órtti sóndirýge 43 adam men 10 birlik tehnıka jumyldyryldy, – dep habarlady ulttyq park.
Órt sol kúni saǵat 16:50-de oqshaýlandy.
Ulttyq park mamandarynyń málimetinshe, órtti erte anyqtaý júıesiniń jedel habarlaýy men tıisti qyzmetterdiń úılesimdi áreketi jalynnyń taralýyn der kezinde toqtatýǵa múmkindik bergen.
Aıta keteıik, buǵan deıin Іle-Alataýy ulttyq parkinde shyqqan órtti sóndirýge tikushaq tartylǵan edi. 2025 jylǵy 25 qarashada bolǵan órt shamamen 1,7 gektar aýmaqty sharpyp, oqshaýlanǵan bolatyn.
