Kaskader Sneık-Rıver kanonynan mototsıklmen sekirdi

ASTANA. QazAqparat - Kaskader Knıveldiń 4 ret sekirýi, sonyń ishinde 1974 jyly qyrkúıekte Aıdaho shtatyndaǵy Sneık-Rıver kanonynan sekirip ótý áreketi amerıkalyq telearna tarıhyndaǵy eń belgili sporttyq oqıǵalardyń úzdik jıyrmasyna kiredi.

 Ivel birneshe ret Gınnestiń rekordtar kitabyna engen, dep habarlady rosbalt.ru.

42 jyl buryn ol zymyranǵa uqsaıtyn Skycycle X-2 qurastyrylǵan reaktıvti mototsıklmen 427 metrlik kanonnan sekirip ótpek bolǵan. Ol 100 metrdeı ushyp ótti, alaıda tehnıkalyq aqaýlyq saldarynan parashıýt merziminen buryn ashylyp,  kaskader dittegenine jetpedi.

Qyryq jyldan keıin Eddı Braýn bastaǵan belgili kaskader komandasy onyń erligin qaıtalap,  Sneık-Rıver kanonynan sekirip ótý múmkin ekenin dáleldemek boldy.  Knıvel mototsıkline uqsas reaktıvti sýperbaıkty Skott Trýa - «Nebotsıkl» X-2 qurastyrǵan ınjenerdiń uly qurastyrdy.

Mototsıkl arqyly sekirýdi júzege asyrý úshin bıiktigi 10 qabatty úımen para-par arnaıy qurylys salyndy.  Onyń kómegimen Braýn shamamen 600 metr qashyqtyqtan sekirip ótip, kanondy baǵyndyryp,  jyldamdyǵyn 644 km/s deıin arttyrdy. Trıýkty oryndaý úshin Eddı úsh jyl men óziniń $1,5 mln qarajatyn jumsady.