Kaskader rekord jasaý úshin birneshe ret ózin órtegen

ASTANA. QazAqparat - Avstrııalyq kásibı kaskader Djozef Todtlıng Gınnesstiń úsh rekordyn ornatý úshin basyn qaýipke tikti. Er adam ózin birneshe ret órtegen.

Munymen qatar avstrııalyq ózin aldymen jelip júrgen jylqyǵa, keıin kvadrotsıklge baılaǵan.

Bul asa qaýipti synaq jaıly túsirilgen rolık YouTube jelisindegi Gınness kitabynyń resmı arnasynda  jarııalandy. 

Todtlıngke berilgen tapsyrma boıynsha, jylqyǵa jáne kvadrotsıklge baılanyp ári otqa orana anaǵurlym uzaq qashyqtyqqa júrip, rekord jasaýy  tıis. Sondaı-aq, kaskader tiri adamnyń otta órtený uzaqtyǵy boıynsha da rekord ornatý úshin alty mınýt ot ústinde turdy.  Rolık kórermenderi er adamnyń bul áreketterden keıin shashyn qalaı saqtap qalǵanyna tańdandy.