Qasqabas taýynan túsip bara jatqan týrıster belgisiz janýardyń daýsyn estigen

QONAEV. KAZINFORM — Almaty oblysyndaǵy Qasqabas taýynan túsip bara jatqan týrıster belgisiz janýardyń daýsyn estigen.

Olar qoryqqandarynan, qutqarýshylarǵa habar bergen.

«Almaty oblysynyń Qarasaı aýdanynda 18-19 jas aralyǵyndaǵy úsh týrıst Qasqabas taýynan túsip bara jatqan kezde qandaı da bir iri janýardyń daýysyn estip, óz qaýipsizdikterine alańdap, qutqarýshylardyń kómegine júgindi.

Táýliktiń qarańǵy mezgiline jáne baılanystyń nasharlyǵyna qaramastan, Respýblıkalyq jedel-qutqarý jasaǵynyń jedel toby kınologııalyq esepteýdiń kómegimen týrısterdi Prohodnoe shatqalynda taýyp alyp, qaýipsiz jerge alyp bardy», — dep jazdy TJM-nan.

Jigitter medıtsınalyq kómekke muqtaj emes.

Aıta keteıik, Almaty taýlarynda qar barysy, Tıan-Shan qońyr aıýy, tas sýyr jáne Túrkistan sileýsini kezdesedi.