Kásiptik-tehnıkalyq bilim beretin oqý oryndarynyń 80 paıyzǵa jýyǵynda materıaldyq baza ótken ǵasyr deńgeıinde - M. Baqtııaruly
ASTANA. QazAqparat - Elimizde joǵary oqý oryndaryn bitirgen túlekterdiń 40 paıyzy óz mamandyǵy boıynsha jumys taba almaıdy. Búgin Senattyń jalpy otyrysynda Eńbek daǵdylaryn damytý jáne jumys oryndaryn yntalandyrý jónindegi joba týraly kelisimdi talqylaý barysynda depýtat Murat Baqtııaruly osyndaı máseleni kóterdi.
«Elbasynyń tapsyrmasyna sáıkes, 2017 jyldan bastap kásiptik -tehnıkalyq bilim berý tegin júrgiziletin bolady. Qazir elimizdegi 811kolledjde 108 mamandyq boıynsha bilim beriledi. Bir qaraǵanda eńbek naryǵyna shyǵyp jatqan mamandar jetkilikti sekildi. Al shyn máninde jumysshylardy daıarlaý naryq suranysyna múldem sáıkes kelmeıdi. Eń bastysy, olardyń alǵan sapasyz bilimderimen jumysqa ornalasý qıyn», dedi M. Baqtııaruly.
Senatordyń aıtýynsha, kásiptik- tehnıkalyq bilim beretin oqý oryndarynyń 80 paıyzǵa jýyǵynda materıaldyq baza ótken ǵasyrdyń deńgeıinde qalyp qoıǵan.
«Sondyqtan da, barlyq mamandyqtardy revızııadan ótkizip, naryq talabyna saı keletinderdi qaldyryp, qalǵanyn qysqartý qajet. Memlekettik tapsyrystardy óńirler suranysyna qaraı qajetti mamandyqtarǵa ǵana berý kerek», dedi senator.
