Kásiptik biliktilik týraly zań jobasyn ázirleýdi tezdetý kerek - Bilim mınıstri
ASTANA. 30 qazan. QazAqparat - Kásiptik biliktilik týraly zań jobasyn ázirleýdi tezdetý kerek.
Búgin Úkimettiń selektorlyq rejimdegi otyrysynda QR Bilim jáne ǵylym mınıstri Baqytjan Jumaǵulov osylaı dedi.
Ol úshin arnaıy jumys tobyn qurý qajettigin eskertip ótken mınıstr, qyzmet pen retteletin kásipter salasynyń tizbesin resmı túrde anyqtaý qajettigin de basa aıtty.
«Bul - kóptegen damyǵan elderdiń tájirıbesi, ony qoldanýymyz kerek. Árıne, shashtaraz nemese keńse qyzmetkerleri úshin jalpy memlekettik kólemde sertıfıkat talap etý aqylǵa syıymsyz. Al, eldiń negizgi kásipteri úshin osy júıeni qalyptastyrý kerek jáne olardy oryndalýyn qatań talap etý qajet», - dedi ol.
Mınıstrdiń atap ótýinshe, birinshi kezekte bul úsh sala bolýy múmkin. Atap aıtqanda olar munaı-gaz jáne energetıkalyq keshen, taý-ken men taý-ken metallýrgııalyq, týrıstik salalary.
«Osy salalarda biliktilik rastaýdyń táýelsiz júıesin iske asyrýmen qatar onyń mamandar men bızneske qajettiligin de qamtamasyz etý kerek. Sondyqtan, retteletin kásipter boıynsha jumysqa qabyldaý jáne tıisti qyzmetke ornalastyrý úshin biliktilik sertıfıkatynyń mindetti túrde bolýyn zańmen bekitýdi durys dep sanaımyz», - dedi B.Jumaǵulov.
