Kásiptik baǵyt boıynsha jumystar júrgizý mańyzdy - Qazaqstan stýdentter alıansy
Іlııas Tústikbaevtiń aıtýynsha, búgin alıans músheleri jınalyp, Prezıdenttiń búgingi Joldaýyn birge tyńdady. Ásirese, bilim salasyna qatysty sózi eshkimdi beı-jaı qaldyrmady.
«Bilim salasy Prezıdenttiń bıylǵy Joldaýynda ózekti oryn aldy. Memleket basshysy bul joly da bilim men ǵylymǵa erekshe basymdyq berdi, nazardan tys qaldyrmady. Atap aıtar bolsam, muǵalimderdiń jalaqysyn kóterý,ǵalymdardy qoldaý, osal toptan shyqqan balalarǵa grant taǵaıyndaý. Bul ǵylym men bilmge úlken serpilis beredi dep oılaımyn. Sonymen qatar halyqaralyq pándik olımpıadalarda jeńimpaz jáne júldeger bolǵan oqýshylarǵa birrettik aqshalaı syıaqy taǵaıyndalyp, joǵary oqý oryndaryna konkýrstan tys túsýi úshin granttar usynylatyn boldy. Bul balalar úshin úlken qoldaý dep bilemin»,- deıdi Іlııas Tústikbaev.
Sonymen qatar, ol Memleket basshysy kótergen JOO-daǵy reformaǵa da toqtaldy.
«Joldaýda Joǵary oqý oryndaryndaǵy reforma sóz boldy. Qazir rasynda bilim mekemeleri túlekteriniń qolyna dıplom ustata salady, ári qaraı jumysqa ornalastyrý, bilimin odan ári shyńdaýǵa esh aralaspaıdy. Endi JOO- na jaýapkershilik júkteldi. Bul óte durys. Sonymen qatar, taǵy bir qýantqan nárse. Ol- kásiptik baǵyt baǵdar boıynsha jumystar júrgizý. Shynymen de qazir respýblıka boıynsha júıeli jumys júrgizilip jatqan joq. Túlekter joǵary oqý ornyn tańdaýda qatelesip jatady nemese ata- anasynyń keńesin tyńdaıdy. Ártúrli sebeptermen qatelisip mamandyq tańdap jatady. Osyǵan baılanysty Prezıdent jaýapty mınıstrlikterge arnaıy jumys júrgizý kerektigin basa aıtty. Bul bastamany Qazaqstan stýdentteri alıansy da kótergen bolatyn. Osy joldaýda qoldaý tapqany qýantty»,- deıdi ol.
