Kásiporyndardaǵy qaıǵyly oqıǵalar: eki adam qaza boldy, altaýy aýrýhanaǵa jatqyzyldy - QR TJM
ASTANA. 23 tamyz. QazAqparat - Almatyda jańadan salynyp jatqan nysanda beısenbi kúni qurylys jumystaryn júrgizý kezinde «Bazıs-Lıýks» JShS QMQ-3 47 jastaǵy sylaqshysy 4-shi qabattan qulap, oqıǵa ornynda qaza boldy, dep habarlady QR TJM.
Aqmola oblysynyń Jolymbet aýylynda «Qazaqaltyn» AQ «Rýdnık Jolymbet» fılıalynyń «Tsentralnaıa» shahtasynda 21 tamyz kúni keshke burǵylaý kezinde 11 metr bıiktikten qulaǵan eki úńgishi aýrýhanaǵa jatqyzyldy.
Ońtústik Qazaqstan oblysynyń Jetisaı qalasynda 22 tamyz kúni «Barys-Qurylys» JShS qazý jumystaryn júrgizý kezinde topyraq opyrylyp qulaǵan. Onyń saldarynan 36 jastaǵy jumysshy oqıǵa ornynda mert boldy, tórt jumysshy aýrýhanaǵa jetkizildi. TJ ornyna QR TJM Ońtústik Qazaqstan oblysy TJD órt sóndirý qyzmeti jeke quramynyń 3 mamany men 1 tehnıkasy shyqty.
