Kásiporyndarda «Vizion Zero» tujyrymdamasyn belsendi engizý qajet – Úkimet basshysy

NUR-SULTAN. QazAqparat – Óndiristik kásiporyndarda «Vizion Zero» tujyrymdamasyn belsendi engizý qajet. Bul týraly Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Eńbekti qorǵaý júıesi jumys ornyndaǵy qaýipsizdikti qamtamasyz etýdiń zamanaýı tásilderine súıenýi tıis. Óndiristik kásiporyndarda halyqaralyq «Vizion Zero» nóldik jaraqattaný tujyrymdamasyn belsendi engizý qajet. Árbir jaraqattaný jaǵdaıy Tótenshe jaǵdaılar mınıstrliginde muqııat taldanyp, qorytyndysy boıynsha olardy barynsha azaıtý úshin keshendi sharalar ázirlenýi tıis», - dedi Úkimet basshysy.

Asqar Mamın halyqaralyq standarttarǵa sáıkes keletin kásibı qaterdi baǵalaý jáne basqarý júıesin engizý qajettigin de basa aıtty.

«Ol úshin barlyq quraldar men qajetti resýrstar bar», - dedi Premer-Mınıstr.