Kásiporyndarda energııa únemdeý jáne «jasyl energetıkany» damytý perspektıvalary talqylandy - Pavlodar
PAVLODAR. 5 tamyz. QazAqparat - Kásiporyndarda energııa únemdeý jáne jańartylǵan energııa kózderin damytý S.Toraıǵyrov atyndaǵy Pavlodar memlekettik ýnıversıtetinde ótken semınar-jıynnyń basty taqyrybyna aınaldy,
dep habarlaıdy joǵary oqý ornynyń baspasóz qyzmetinen.
Oǵan «Kaztonika» jáne «Asterra» energetıkalyq aýdıt mamandary, Astana qalasynan «QazEkoTerm» ǴÓF energııa únemdeý salasyndaǵy ǵalymdar, Pavlodar men Aqsý óndiristik kásiporyndarynyń ókilderi qatysty.
Energııa únemdeýdiń búginde mańyzdy máselelerdiń biri ekendigi jıyn barysynda basa aıtyldy. Energııany tıimdi jumsaý problemalarymen «Ertis» MPÝ ǵylymı-tehnıkalyq parki bazasynyń negizindegi óńirlik energııa únemdeý ortalyǵy aınalysatyn bolady.
Jıylǵandar 6-shy Astana ekonomıkalyq forýmynda QR Prezıdenti Nursultan Nazarbaevtyń «jasyl energetıkaǵa» kóshý dep ataǵan jáne jańa tehnologııalardy engizýdegi alǵa qoıǵan mindetterdi saralady.
Sondaı-aq semınarǵa qatysýshylar Qazaqstanda jel energııa stansalaryn salý jáne óndirý perspektıvalaryn talqylady.
