Kásiporyndar jumysshylarǵa 4,6 mlrd teńge jalaqy qaryzyn bermeı kelgen

ASTANA. QazAqparat - Jyl basynan beri memlekettik eńbek ınspektorlary 18,4 myńnan astam jumyskerdiń quqyǵyn qorǵady, dep habarlaıdy QazAqparat.

1 jeltoqsandaǵy jaǵdaı boıynsha memlekettik eńbek ınspektorlary respýblıkanyń 855 kásipornynda 19,7 myń jumyskerdiń aldynda 4 mlrd 670,2 mln teńgeden astam somaǵa jalaqy bereshegin anyqtady.

Osy kásiporyndardyń basshylaryna oryndalýy mindetti 865 nusqama berilip, 140,8 mln teńgeden astam somaǵa aıyppul salyndy.

Qabyldanǵan sharalar, sonyń ishinde jalaqy boıynsha bereshekti óteýdiń qatań kestesi men merzimin belgileý nátıjesinde 18,4 myńnan astam jumyskerdiń quqyǵy qorǵaldy.

Olarǵa 4 mlrd 448,6 mln teńge tólendi.