Kásiporyndar qyzmetkerlerine 1,7 mlrd teńge qaryz - Berdibek Saparbaev
ASTANA. QazAqparat - Kásiporyndar qyzmetkerlerine 1 mlrd 700 mln teńge jalaqy qaryz. Bul týraly búgin eńbek qatynastaryn retteý máselesi qaralǵan Úkimet otyrysynda QR Eńbek jáne halyqty áleýmettik qorǵaý mınıstri Berdibek Saparbaev aıtty, dep habarlaıdy QazAqparat tilshisi.
«Qazirgi tańda el ekonomıkasynda 6,6 mln jaldamaly qyzmetker 165 myń turaqty istep turǵan kásiporynda eǵbek etýde. Dúnıejúzilik ekonomıkalyq forým reıtıngisiniń nátıjesi boıynsha eńbek qatynastaryn retteýde 140 memlekettiń ishinde buryn 35-shi orynda bolatyn bolsaq, byltyrǵy jyldyń qorytyndysy boıynsha 30-orynǵa kóterildik. Bıylǵy jyldyń basynan bastap Memleket basshysynyń tapsyrmasyna sáıkes, eń tómengi jalaqy 42 500 teńgege deıin kóterildi, ótken jylmen salystyrǵanda 1,5 ese ósti. Qazirgi tańda memleketimizde ortasha jalaqysy 176 myń teńge bolyp esepteledi», - dedi ol.
Mınıstrdiń aıtýynsha, eńbek qatynastaryndaǵy negizgi máselelerdiń eń birinshisi ol der kezinde jalaqyny berý, jalaqy qaryzyna jol bermeý bolyp otyr.
«Qazirgi tańda memleketimizdegi jalaqynyń qaryzy 1 mlrd 700 mıllıon teńge. Onyń 75 paıyzy bankrot pen saýyqtyrýda turǵan kásiporyndarda. Qazir jergilikti bılikpen, prokýratýra, quqyq qorǵaý organdarymen jumys istep jatyrmyz. Jalaqy qaryzyn azaıtý úshin kesteni ázirledik. Májiliste zań jobasy qaralýda. Onda eńbek ınspektsııasynda shyǵarǵan sheshimderin sottyń sheshimderimen teńestirý, sol ınspektsııanyń bergen málimetteri boıynsha qaryzdardy der kezinde tóleý kózdelgen», - dedi B.Saparbaev.
