Kásiporyndar qaldyqtarynyń quramynda ýly zattar joq ekenin dáleldeýi kerek – Jerar Frıes
NUR-SULTAN. QazAqparat – Kásiporyndar qaldyqtarynyń quramynda ýly zattar joq ekenin dáleldeýi kerek. Elordada «Qazaqstannyń qaldyqtardy qaıta óńdeý strategııasy» taqyrybynda ótken forýmda Frantsııa-Qazaqstan saýda-ónerkásip palatasynyń prezıdenti Jerar Frıes osylaı málim etti, dep habarlaıdy QazAqparat tilshisi.
«Kásiporyndar qaldyqtarynyń quramynda ýly zattar joq ekendigin dáleldeýi kerek. Plastıkti órtegen kezde qorshaǵan orta úshin óte qaýipti bolyp sanalatyn dıoksıd bólinip shyǵady. Mundaı protsesster zań júzinde retteledi, sondyqtan óndiristik kásiporyndar qaldyqtardy qaıta óńdeýmen aınalysqan kezde úlken jaýapkershilik júkteledi. Olar qaldyqty óńdeýge qatysty ekonomıkalyq tuǵyda qyzyǵýshylyq tanytpaıtyny sózsiz, degenmen olaı etpegen jaǵdaıda kásirorynnyń bedeline nuqsan keledi», - deıdi Frantsııa-Qazaqstan saýda-ónerkásip palatasynyń prezıdenti Jerar Frıes.
Ol elinde qaldyqtar qalaı suryptalatyny týraly aıtty.
«Biz qaldyqtardy órteý, qaıta óńdeýden basqa jańa tehnologııalardy qoldanamyz. Eger kásiporyndarǵa baryp kórseńizder, olar qaıta óńdeý kezinde qol jumysyn kóp qoldanady. Sońǵy ýaqytta qaldyqtardy suryptaıtyn ártúrli arnaıy tehnologııalardy engizýdemiz. Osylaısha, plastık, áınek, qaǵaz jáne taǵy ba basqa zattar bólek-bólek suraptalady», - deıdi Jerar Frıes.
Aıta keterligi, Qazaqstanda turmystyq qatty qaldytardyń jyl saıyn ósýiniń basty sebebi – elimizdegi ekonomıkalyq ósý jáne jalǵasyp kele jatqan ýrbanızatsııa. Bul – elimizdegi eń ótkir ekologııalyq problemalardyń biri. Degenmen Qazaqstan jasyl ekonomıkaǵa ótý tujyrymdamasyna sáıkes, qaldyqtardy qaıta óńdeý 2030 jylǵa qaraı 40%, 2050 jyly 50% deıin jetýi kerek.
