Kásiporyn bankrot bolsa óndiristik jazataıym oqıǵadan jaraqattanǵan jumysshyǵa ótemaqyny kim tóleıdi
«Buryn «Eńbekti qorǵaý týraly» 1993 jylǵy 22 qańtardaǵy Qazaqstan Respýblıkasynyń Zańynda zııandy óteý jónindegi birjolǵy járdemaqynyń mólsheri jumysker óndiristegi jazataıym oqıǵa nemese kásiptik aýrý saldarynan qaıtys bolǵan jaǵdaıda onyń jyldyq jalaqysynyń on eselengen mólsherinde kózdelgen bolatyn. Degenmen, 2005 jylǵy 1 shildeden bastap jumysker eńbek mindetterin atqarǵan kezde ony jazataıym oqıǵalardan mindetti saqtandyrý týraly zańnamanyń kúshine enýine baılanysty bul tólemder ózektiligin joǵaltty, sebebi olar birjolǵy sıpatqa ıe boldy. Bul rette, múgedektik pen asyraýshysynan aıyrylý jaǵdaıynda qazirgi kezde engizilip jatqan áleýmettik qorǵaý júıesi úsh deńgeıden (bıýdjet qarajaty esebinen, áleýmettik tólemder men saqtandyrý uıymdarynan tólemder) turatynyn atap ótken jón», delingen Eraly Toǵjanovtyń jaýabynda.
Onyń atap ótýinshe, saqtandyrýdy engizý óndiristik jaraqattanýdyń áleýmettik-ekonomıkalyq saldarynyń aýyrlyǵyn tómendetýge yqpal etti. Jumys berýshilerdiń óndiristegi jazataıym oqıǵalardyń aldyn alýǵa múddesin arttyrdy. Eńbek jaǵdaılary men qaýipsizdigin jaqsartýǵa túrtki boldy, sondaı-aq zııandy óteý máseleleri men tártbin rettedi.
«Sondaı-aq, «Qyzmetkerdi eńbek (qyzmettik) mindetterin oryndaý kezinde jazataıym oqıǵalardan mindetti saqtandyrý týraly» Qazaqstan Respýblıkasy Zańynyń kúshine enýine baılanysty, jumys berýshilerdi qamtý mindetti saqtandyrý júıesimen ósti, óıtkeni olardyń faktilerdi jasyrýǵa degen qyzyǵýshylyqtary óndiristegi jazataıym oqıǵalar joǵalyp ketti. Bul rette, burynda jumys berýshi taratylǵan jaǵdaıda (ony bankrot dep jarııalaǵan) qaıtys bolǵan qyzmetkerdiń otbasy músheleri zııandy óteý quqyǵynan aıyrylǵan. Búgingi tańda qoldanystaǵy zańnama jumys berýshi taratylǵan jaǵdaıda, syıaqy mólsherin jábirlenýshige memleket (Qazaqstan Respýblıkasynyń Eńbek jáne halyqty áleýmettik qorǵaý mınıstrliktiń ókili) zańnamalyq aktilerde belgilengen tártippen sot sheshimderiniń negizinde (QR Azamattyq kodeksiniń 945-baby) ǵana tóletedi. Joǵaryda aıtylǵandardy eskere otyryp, zııandy óteýdiń qoldanystaǵy tetigi ózekti jáne halyqaralyq tájirıbege sáıkes keledi», - dedi Úkimet basshysynyń orynbasary.
