Kásipodaqtar federatsııasy jumyskerlerge vaktsınatsııa máselesi boıynsha úndeý jasady
Kásipodaqtar federatsııasynyń kásipodaq uıymdaryna, jumyskerlerge jáne jumys berýshilerge koronavırýsqa qarsy vaktsınatsııa máselesi boıynsha ÚNDEÝІ
Búkil álem, sonyń ishinde bizdiń elimiz de koronavırýs ınfektsııasynyń kesirinen daǵdarysty bastan keshirip otyr.
Pandemııa eńbek naryǵyna keri yqpal etip, tolyq emes jumyspen qamtýdyń artýyna jáne ekonomıkalyq belsendiliktiń tómendeýine, kásiporyndardyń jabylýyna, eńbek tabysynyń azaıýyna, eńbek qaýipsizdigi jáne eńbek quqyqtary salasynda jańa syn-tegeýrinderge alyp kelýde.
Osy jaǵdaıda kásipodaqtar men jumys berýshilerdiń aldynda turǵan mańyzdy mindet – óndiristik áleýetti saqtap qalý.
Jumys oryndarynda vırýstyń taralýyn toqtatý jáne jumyskerlerdiń qorǵalýyn qamtamasyz etý qajet.
Bul máselede el turǵyndaryn vaktsınatsııalaý mańyzdy qural bolyp tabylady. Vaktsınatsııa – bul pandemııany toqtatýdyń, qaýipsiz eńbek jaǵdaılaryn qamtamasyz etýdiń, jumysshylar men olardyń otbasylarynyń densaýlyǵyn qorǵaýdyń jalǵyz joly. Elde vaktsınatsııa alǵysy keletinderdiń barlyǵyna aqysyz vaktsınatsııa alýǵa jáne aýyr indettiń taralýyna jol bermeýge jaǵdaı jasalǵan.
Biz jumyskerlerdi óz densaýlyǵy men jaqyndarynyń densaýlyǵyna qamqorlyq tanytyp, qaýipsiz jaǵdaıda jumys isteý úshin COVID-19 qarsy vaktsına alýǵa shaqyramyz.
Kásipodaq aktıvterin, kásipodaq múshelerin:
- ózińiz vaktsına alyp, ómirińiz ben densaýlyǵyńyzǵa jaýapkershilikpen qaraýdyń úlgisi bolýǵa;
- koronavırýstyń aldyn alý jáne qorǵaý sharalary boıynsha aqparattyq-túsindirý jumystaryn júrgizýge shaqyramyz.
Biz barlyq menshik formasyndaǵy uıymdardyń basshylaryn:
- COVID-19 taralýyna qarsy is-sharalardyń oryndalýyn baqylaýdy kúsheıtýge;
- qyzmetkerlerdiń vaktsına alýyn uıymdastyrýǵa (medıtsınalyq uıymda nemese kásiporyn aýmaǵynda);
- vaktsınatsııalanǵan jumysshylarǵa qosymsha áleýmettik kepildikterdi qarastyrýǵa (jalaqy saqtala otyryp, vaktsınatsııa kúninde demalys kúnin, demalysqa qosymsha aqyly kúndi, materıaldyq tólemderdi jáne t.b. qarastyrý);
- vaktsınatsııadan bas tartqan jumysshylarǵa tártiptik jaza qoldanbaýǵa shaqyramyz.
Birlesken kúsh-jiger men yntymaqtastyqty kórsetken jaǵdaıda ǵana biz COVID-19-dy jeńip, qalypty ómirge qaıta orala alamyz.
Sizdiń myqty densaýlyǵyńyz ben qaýipsiz eńbek jaǵdaıyńyz – bizdiń basty maqsatymyz!
Ózińizge jáne jaqyndaryńyzǵa qamqorlyq tanytyńyz!
Kásipodaqtar federatsııasy
