Kásipodaqtar federatsııasy «Nur Otan» partııasynyń praımerızine qatysatyn boldy
Kásipodaqtar federatsııasy Qazaqstandaǵy eń úlken jumysshylar birlestigi retinde Eńbek adamynyń quqyqtary men zańdy múddelerin qorǵaý arqyly eldiń damýyna óz úlesin qosýda.
Biz jumysshylardyń problemalaryna aralasý jáne olardy jumys berýshilermen qarym-qatynasta qoldaý memlekettiń strategııalyq maqsattaryna qol jetkizýdiń mańyzdy sharty dep sanaımyz.
Sondaı-aq, áleýmettik áriptestermen yntymaqtastyqqa negizdelgen birlesken jumys qana qoǵamnyń jańa qundylyqtaryn qalyptastyrýda aıtarlyqtaı jetistikterge jetýge múmkindik beredi.
Búgingi Memleket basshysy Qasym-Jomart Toqaev júrgizip otyrǵan jańǵyrtý baǵytyn bizdiń uıymnyń barlyq múshelerine elimizdiń saıası júıesinde bolyp jatqan tarıhı ózgeristerge qatysýshy bolýǵa biregeı múmkindik beredi.
Osyǵan baılanysty, laıyqty bedeli bar jáne óz ujymdarynda senim men qurmetke ıe kásipodaq belsendilerimizdi «Nur Otan» partııasynyń praımerızine belsendi qatysyp, osy múmkindikti paıdalanýǵa shaqyramyz.
«Nur Otan» partııasynyń tóraǵasy, Elbasy Nursultan Nazarbaevtyń tapsyrmasy boıynsha aldaǵy Májilis pen Máslıhattarǵa saılaýǵa partııalyq tizimge eń myqty kandıdattardy qosý úshin partııaishilik saılaý ótkizedi.
Bizdiń «Nur Otan» partııasymen seriktestigimiz birlesken is-qımyldar men yntymaqtastyqty úılestirý maqsatynda qol qoıylǵan Ózara túsinistik týraly memorandým aıasynda, sonyń ishinde praımerızdi ótkizý máseleleri boıynsha júzege asyrylady.
Kásipodaqtar federatsııasy - 2 mıllıonǵa jýyq múshesi bar jáne búkil el boıynsha kásipodaq uıymdarynyń keń jelisi, bizdiń qatarda júrgen partııa múshelerine qoldaý kórsetýge jáne óz kandıdatýralaryn Parlamenttiń tómengi palatasyna jáne jergilikti ókildi organdarǵa jiberýge tolyqtaı qabiletti.
Biz ózimizdiń negizgi ustanymdarymyz - áleýmettik dıalog pen áleýmettik ádilettilikti óz qyzmetimizdiń basty basymdyqtary dep jarııalaımyz jáne «Nur Otan» partııasynyń baǵdarlamalyq maqsattaryn qoldaımyz.
Qurmetti kásipodaq músheleri!
Eger zań shyǵarýshy bılikke kásipodaq qozǵalysynyń prıntsıpterin shyn júrekten ustanatyn adamdar kirse, jumysshylardyń múddelerin qorǵaýǵa jáne alǵa jyljytýǵa baǵyttalǵan bizdiń ortaq kúsh-jigerimiz jańa serpin alady!
Sondyqtan, biz barlyq kásipodaq múshelerin «Nur Otan» partııasynyń básekelestik negizinde jańa kóshbasshylaryn anyqtaý týraly bastamasyn qoldaýǵa jáne kandıdat retinde de, daýys berý protsesinde de partııaishilik praımerızge qatysýǵa shaqyramyz.
Yntymaqtastyq. Ortaqtastyq. Jasampazdyq.
