Kásipodaqtar federatsııasy 5 shildede bastalatyn qatań karantınge qatysty úndeý jasady
«Qazaqstan Respýblıkasynyń Konstıtýtsııasynda adam jáne onyń ómiri memlekettiń joǵary qundylyqtary dep kórsetilgen. Qalyptasqan qolaısyz epıdemıologııalyq jaǵdaı birinshi kezekte bizden, osy qaýipti indettiń taralýyna qarsy turý isinde jeke jaýapkershilik pen jalpyǵa ortaq yntymaqtastyqty talap etedi. Áńgime bizdiń azamattarymyzdyń – balalar, ata-analar, dostarymyz jáne jaqyndarymyzdyń ómiri men densaýlyǵy týraly bolyp otyr.
Osyǵan baılanysty biz, Qazaqstan Respýblıkasynyń Kásipodaqtar federatsııasy Memlekettik komıssııa jarııalaǵan qatań shekteý sharalaryn tolyq qoldaımyz jáne olardy iske asyrýǵa belsendi qatysýǵa daıyn ekenimizdi bildiremiz.
Elimizde tótenshe jaǵdaı jarııalanǵan alǵashqy kúnderden bastap QRKF halyq pen memleketke qoldaý kórsetip keledi. Alǵashqy qadamdardyń biri karantınge jiberilgen adamdardy ornalastyrý úshin kásipodaq aktıvterin usyný týraly bastama boldy.
Kásipodaq uıymdarynyń «shuǵyl baılanys jelileri» men jedel shtabtary eńbek qatynastary salasyndaǵy zańbuzýshylyqtarǵa turaqty monıtorıng júrgizýge múmkindik berdi.
QRKF kásipodaqtar birlestikteri KVI-men kúreske jumyldyrylǵan medıtsına qyzmetkerleri men kásipodaqtar múshelerine jeke qorǵanys quraldaryn, birinshi qajettiliktegi taýarlardy satyp alý úshin materıaldy kómek kórsetýde.
Árıne, kásipodaq uıymdary ınfektsııa taralǵan ýaqyttan bastap jumys berýshilerdi sanıtarlyq normalardy saqtaýǵa jáne óz qyzmetkerlerin jeke qorǵaný quraldarymen, sanıtarlarmen qamtamasyz etýge, áleýmettik qashyqtyq úshin jaǵdaı jasaýǵa shaqyrdy.
Búgin biz barlyq kásiporyndardyń basshylary men eńbek ujymdaryna júginip qana qoımaı, ár jumys berýshiniń Eńbek adamynyń ómiri men densaýlyǵy úshin joǵary jaýapkershiligi týraly aıtamyz.
Biz jumys oryndarynda qatań sanıtarlyq normalardyń saqtalýyn jáne eńbek qaýipsizdigin qamtamasyz etý jaǵdaılaryn qoǵamdyq baqylaý quqyǵyn ózimizge qaldyramyz. Adamdar jumys berýshiler tarapynan jaýapsyz jáne nemquraıly qarym-qatynastyń qurbany bola otyryp, ózderin jáne jaqyndaryna qaýip tóndirmeýge tıis.
Búginde oryn alǵan jaǵdaı búkil qoǵam úshin naǵyz synaq boldy jáne jumys berýshilermen qatar, jumysshylardan yntymaqtastyqty jáne múmkindiginshe úılesimdi is-qımyldardy talap etedi. ıAǵnı, jumysshylar óz densaýlyqtary úshin ǵana emes, sondaı-aq aınalasyndaǵy adamdardyń da densaýlyǵy úshin joǵary jaýapkershilikke ıe.
Qazir memleket úshin kúrdeli kezeń. Sondyqtan, barlyǵymyz qaýip-qaterdiń aldynda birigýimiz kerek jáne biz neǵurlym qıyn synaqtar men tarıhtyń syn-qaterlerin jeńgen birtutas halyq, birtutas el ekenimizdi umytpaýymyz kerek.
Sondyqtan da, biz búkil qoǵamnyń birikken kúsh-jigeriniń arqasynda osy qıyndyqty jeńetindigimizge jáne jyldan-jylǵa barlyq qazaqstandyqtardyń áleýetin arttyryp, laıyqty bolashaqqa degen baǵdarymyzdy jalǵastyratyndyǵymyzǵa senimdimiz».
