Kásipodaqtar bir jyldyń ishinde ózderiniń mártebesin qaıta qarap shyǵatyn bolady

Búgin Parlament Májilisiniń jalpy otyrysynda «Kásiptik odaqtar týraly» zań jobasyn talqylaý barysynda Eńbek jáne halyqty áleýmettik qorǵaý mınıstri Tamara Dúısenova osylaı málim etti. Eske sala keteıik, búgin zań jobasyn palata depýtattary birinshi oqylymda maquldady.

Mınıstrdiń sózine qaraǵanda, Qazaqstanda qazirgi kúni 800-den astam kásipodaqtar qyzmet etýde. «Qarastyrylyp otyrǵan zań jobasyna sáıkes, olarǵa bir jyldyq merzim berilip otyr. Osy kezeń ishinde kásipodaqtar birinshiden ózderiniń jarǵylaryn, ekinshiden ózderiniń mártebelerin qaıta qaraıtyn bolady. Budan bólek, olar kásipodaqtar ózderi jeke salalyq kásipodaq bolyp qaıta quryla ma, joq álde basqa óńirlik deńgeıdegi kásipodaqtardyń múshesi bolatyndyǵyn ózderi anyqtaıtyn bolady», - deıdi T. Dúısenova.

Mınıstrdiń aıtýynsha, búgingi tańda Qazaqstanda kásipodaqtar qozǵalysy jumyspen qamtylǵan 8,4 mln. halyqtyń 30 paıyzyn nemese 2,5 mln. sál ǵana astamyn biriktirip otyr.