Kásipodaq Ryspaevtyń hokkeı lıgasyna oralýyna kómektesýi múmkin
ASTANA. QazAqparat - Oıynshylar jáne bapkerler kásipodaǵynyń basshysy Andreı Kovalenko uıymnyń astanalyq «Barys» komandasynyń qorǵaýshysy Damır Ryspaevqa IIHF (Halyqaralyq muzdaǵy hokkeı federatsııasy) aýmaǵyndaǵy merzimsiz dıskvalıfıkatsııasyn alyp tastaýǵa kómektesýge kiriskendigin málim etti, dep habarlaıdy sports.kz .
«Damır ózi jibergen qateligin moıyndaıdy. Ol bizden birlese otyryp, klýb úshin, Qazaqstannyń ulttyq qurama komandasy úshin oınaý quqyǵyn qaıtaryp alýǵa kómektesýimizdi surady. ıAǵnı, IIHF aýmaǵyndaǵy kásibı oıynshy retindegi quqyǵyn qaıtaryp alǵysy keledi. Kásipodaq ómir boıǵy shettetýdi alyp tastaý jónindegi ótinishpen QHL-ynyń tártiptik komıtetine júgindi. Mundaı ótinishti «Barystyń» basshylyǵy da bildirdi. 19 qyrkúıek kúni tártiptik komıtettiń kelesi otyrysy ótedi. Oń sheshim qabyldanatynynan úmittenemiz», - dedi Kovalenko Russia-Hockey-ge bergen suhbatynda.
