Kásipodaq belsendisi Eleýsinov 2 jylǵa bas bostandyǵynan aıyryldy
ASTANA. QazAqparat - Kásipodaq belsendisi Ámın Eleýsinov 2 jylǵa bas bostandyǵynan aıyryldy, dep habarlaıdy QazAqparat.
Sot úkimin Astana qalasy Almaty aýdandyq №2 sotynyń sýdıasy Gúljahan Ýbasheva oqydy.
«QR Qylmystyq kodeksiniń 55 baby, 2 tarmaǵyn qoldana otyryp, 2 jylǵa bas bostandyǵyn aıyryp, qylmystyq jolmen tapqan múlki tárkilensin. Qoǵamdyq jáne kásipodaq qyzmetimen aınalysýǵa 5 jyl merzimge quqyǵynan aıyrylsyn», - dedi ol.
Sýdıanyń aıtýynsha, jaza óteý merzimi 2017 jyldyń 20 qańtarynan bastalady. Sonymen qatar Eleýsinovten «Oil Construcion company» munaı servıstik kompanııasynyń paıdasyna 8 mln. teńgeden astam, memleket paıdasyna 240 myń teńgeden astam materıaldyq shyǵyn óndirilip alynady.
«Shyǵyndy óz erkimen qaıtarý merzimi 2018 jyldyń 17 mamyryna deıin belgilensin. Atalǵan merzim aıaqtalǵannan keıin shyǵyn májbúrli túrde óndirilip alynatyn bolady»,- dedi Ýbasheva.
Esterińizge sala ketsek, «Oil Construcion company» munaı servıstik kompanııasynyń kásipodaq belsendisi Á.Eleýsinovke 14,6 mln. teńge qarjyny jymqyrdy, bılik ókiline qarsylyq kórsetti, polıııa qyzmetkerin balaǵattap, oǵan jeńil dene jaraqatyn saldy dep aıyptalǵan bolatyn.
