Kásipqoı velosportshylardyń «Almaty velotýrynda» eki júldeli oryn men «Eń úzdik sprınter» ataǵyn Qazaqstan quramasy shabandozdary ıelendi
ALMATY. 6 qazan. QazAqparat - Búgin Almatyda kásipqoı veloshabandozdardyń Halyqaralyq velısepedshiler odaǵy maquldaǵan 186 shaqyrymdyq «Almaty velotýry» óz máresine jetti.
Qazaqstan, Ózbekstan, Ázirbaıjan, Reseı, Iran, Avstrııa, Brýnel, Ýkraına, Latvııa, Polsha, Irlandııa, Frantsııa, Nıderlandy, AQSh elderinen qatysqan 20 komandadaǵy 109 sportshynyń arasynan Qazaqstan ulttyq quramasynan Maksım Iglınskıı máre syzyǵyn birinshi bop kesip ótip, jarys jeńimpazy atandy. Al Italııanyń «BARDIANI VALVOLEe - CSF INOX» kásipqoı qurlyqtyq komandasynan Sonı Kol Brıllı kúmis, Qazaqstan ulttyq quramasynan Rýslan Tileýbaev qola júldeger jáne Qazaqstan ulttyq quramasynyń taǵy bir múshesi Aleksandr Lýtsıenko «Eń úzdik sprınter» ataǵyn ıelendi.
