Kásipqoı boksta tuńǵysh ret óner kórsetken qazaq balasy qarsylasyn nokaýtpen utty
ASTANA. QazAqparat - Kásipqoı boksta tuńǵysh ret óner kórsetken qazaq balasy Alı Baloev qarsylasyn nokaýtpen utty, dep habarlaıdy QazAqparat tilshisi.
23 jasar jerlesimiz Alı Baloev alǵashqy jekpe-jegin Rıgada (Latvııa) ótkizip, 4 raýndtyq kezdesýde, 32 jasar jergilikti boksshy Markes Kovalevskısti nokaýtpen utty.
Jerlesimizdiń qarsylasy kásipqoı boksta 25 kezdesý ótkizip, ekeýinde teń nátıje, ekeýinde jeńis, jıyrma birinde jeńilis (11 nokaýtpen) tapqan. Qazaqstandyq sportshy kásibı boksta rıngke aýyr salmaqta (200 fýnt - 90,7 keli) shyǵyp alǵashqy jeńisine jetip otyr. Ol almatydaǵy «Abylaı han» zalynda, Saǵatbek Musahanovtyń qol astynda jattyǵady.
