Kásipqoı boksta 5 jyl júrgen Qanat Islam qandaı jetistikterge jetti
ASTANA. QazAqparat - Qazaqstandyq boksshy Qanat Islamnyń kásipqoı boksta júrgenine 5 jyl toldy. Ol kásipqoı bokstaǵy alǵashqy jekpe-jegin 2012 jyly ótkizgen bolatyn, dep habarlaıdy QazAqparat tilshisi.
Qanat Islam debıýttyq jekpe-jegin 2012 jyly 28 qyrkúıekte Domınıkan Respýblıkasynda Denıel Bıtoǵa qarsy ótkizdi. Dál sol jyly boksshy qatarynan 8 jekpe-jek ótkizip, 8 kezdesýinde birinshi orta salmaqta Búkilálemdik boks qaýymdastyǵy (WBA) tujyrymy boıynsha Karıb aımaǵy chempıony atandy.
2013 jyly 29 qarasha. Qanat Islam kolýmbııalyq Emılıo Hýlıo Hýlıony nokaýtqa jiberip, WBA tujyrymy boıynsha Latyn aımaǵy chempıony tıtýlyn jeńip aldy.
2016 jyly 29 qazan. Qanat óz otany qazaqstanda alǵash ret jekpe-jek ótkizip, kásibı mansabynda alǵash ret 12 raýnd boıy judyryqtasty. Sondaı-aq, WBA Fedelatin beldigin sátti qorǵap, WBO tujyrymy boıynsha kontınentaralyq (WBO Inter-Continental Title) chempıondyq ataǵyna ıe boldy.
2017 jyly 26 mamyr. Otandasymyz meksıkalyq Norberto Gonsalesty tóreshiler sheshimimen jeńip, WBA Inter-Continental jáne WBO NABO tıtýlyn ıelendi.
2017 jyly 9 qyrkúıek. Qanat Islam EKSPO aıasynda Astana qalasynda óziniń chempıondyq ataqtaryn qorǵady. Boksshy kanadalyq Brendon Kýkty 9-raýndta nokaýtqa tusirip, álemdik reıtıngte birinshi orta salmaqty TOP-15 qatarynan kórindi.
Bul kúnde Qanat Islam óz salmaǵynda WBA reıtınginde (Qyrkúıek) 2 orynda, qazan aıyndaǵy WBO jáne WBC jańartylǵan reıtnginde 3 jáne 10 orynda, IBF jáne IBO tujyrymdarynyń qyrkúıek aıyndaǵy reıtınginde 3 jáne 8 orynda. Sonymen qatar, ol BoxRec portalynda tirkelgen 1852 birinshi orta salmaqtyń boksshylary qatarynda 125 upaımen 13 orynǵa jaıǵasty.
Qanat Islamnyń PR-menedjeri Berik Sultan áleýmettik jelisindegi jeke paraqshasynda otandasymyz IBF tujyrymy boıynsha álem chempıony amerıkalyq Djarrett Herdpen kelesi jyly judyryqtasýy múmkin ekenin aıtty.
Sondaı-aq, Qanat WBA jáne WBO tujyrymyndaǵy reıtıngine baılanysty osy uıymnyń álem chempıonydarynyń mindetti qarsylasy atanýy múmkin.
