Kásipqoı boksshy Júkembaevtyń kelesi qarsylasy belgili boldy
ASTANA. QazAqparat - Qazaqstandyq kásipqoı boksshy Batyr Júkembaevtyń (9-0, 8KO) kezekti jekpe-jeginde kimmen judyryqtasatyny belgili boldy, dep habarlaıdy QazAqparat tilshisi.
Otandasymyz kelesi aıqasyn 27 qazan kúni Kanadanyń Kvebek qalasynda panamalyq Alberto Moskýeramen judyryqtasady.
Moskýera 1987 jylǵy. Kásipqoı boksta 29 kezdesý ótkizip, 24 ret jeńiske jetken. 3 ret jeńilgen jáne 2 jekpe-jeginde qarsylasymen teń túsken. 16 qarsylasyn nokaýtpen utqan.
Al qazaqstandyq Batyr Júkembaev osyǵan deıin 9 kezdesý ótkizip, barlyǵynda jeńiske jetti. 8 kezdesýinde qarsylastaryn nokaýtpen utty.
Qos boksshy arasyndaǵy jekpe-jek 8 raýndqa josparlanǵan.
