Kásipqoı boksshy Júkembaev pen Qusaıynovtyń qarsylastary belgili boldy
ASTANA.QazAqparat - Qazaqstandyq kásipqoı boksshy birinshi jartylaı orta salmaqtaǵy Batyr Júkembaev ( 7-0-0, 6KO) pen jeńil salmaqtaǵy Abylaıhan Qusaıynovtyń (4-0-0, 3KO) qarsylastary anyqtaldy, dep habarlady QazAqparat tilshisi.
boxrec.com saıtynyń málimetterine qaraǵanda, Júkembaev meksıkalyq Davıd Ranhelmen(12-4-0, 8KO) qolǵap túıistiredi, kezdesý 8 raýndqa josparlanǵan. Al Qusaıynov meksıkalyq boksshy Oskar Mehıamen(8-1-1, 3KO) alty raýndtyq jekpe-jek ótkizbek.
Eske sala keteıik, buǵan deıin jerlesterimizdiń qarsylastary belgisiz ekenin habarlaǵan bolatynbyz.
Jekpe-jek 28 qańtarda Kanadanyń Monreal qalasynda ótetin bolady. Keshtiń basty jekpe-jeginde kanadalyq boksshylar Stıven Batler(18-0-1, 15KO) men Brendon Kýk (17-0-0, 10KO) IBF North American men WBA-NABA tıtýly úshin judyryqtaspaq.
