Kásipqoı boksshy Júkembaev aldaǵy josparlarymen bólisti
Aıta keteıik, Batyr Júkembaev birneshe aı boıy óziniń promoýteri Kamıll Estefanmen kelispeýshilikte bolǵan. Biraq qazir bári óz ornyna kelip, sportshy mansabyndaǵy jańa bıikterdi baǵyndyrýǵa daıyndalýda.
«Men úsh jyl buryn Qazaqstannan ketip, kóptegen tanymal boksshylar shyqqan Kanada eline keldim. Bul jerge kásibı boksshy mansabyn bastaý maqsatymen kelgen edim. Óz mansabymdy Kanadada bastadym. Munda promoýterim Kamıll Estefan, menedjerim Anna Reva men jattyqtyrýshym Stefan Lıarýsh meniń Qazaqstan jáne Kanadadaǵy myńdaǵan jankúıerimniń qoldaýyn alýǵa kómektesti. Sondyqtan qazirge deıin ótkizilgen 14 jekpe-jegimniń 14-injeńispen, sonyń ishinde 12-sin nokaýtpen aıaqtadym.
Meniń árbir judyryqtasýym - naǵyz boks dramasy. Ásirese, Patrısıo Morenoǵa qarsy bolǵan sońǵy jekpe-jek sondaı. Bul aıqasta men birinshi raýndta nokdaýnǵa tústim, ekinshisinde qarsylasymdy men nokdaýnǵa jiberdim. Al jetinshi raýndta kezdesýdi nokaýtpen aıaqtadym.
Fanattarymdy qyzyqtyratyny - bokstaǵy stılim. Úlken tıtýldary, tabysy bar, telereıtıngter men kórermenderdiń rekordtyq sanyn jınaı alatyn jekpe-jekter - bul meniń óz promoýterim men menedjerimnen kútetinim. Olar muny men úshin jáne jankúıerlerim úshin jasaı alatynyna senimdimin.
Men óz kategorııamdaǵy kez kelgen boksshymen judyryqtasýǵa daıynmyn, ol úshin maǵan beldik, gonorar jáne aıqas ótkiziletin jerdi kórsetseńiz boldy», - delingen taratylǵan aqparatta.