Kásipqoı boksshy qyzymyz Astanada ashyq jattyǵý ótkizdi
ASTANA. QazAqparat - Kásipqoı bokstan Qazaqstannan shyqqan alǵashqy sportshy qyz Fırýza Sharıpova búgin EKSPO-2017 kórmesiniń Ulttyq kún sahnasynda ashyq jattyǵý ótkizdi, dep habarlaıdy QazAqparat tilshisi.
Ol kezekti jekpe-jegin 26 tamyz kúni Astanada EKSPO-2017 halyqaralyq mamandandyrylǵan kórmesi aıasynda burynǵy álem chempıony bolgarııalyq Mılena Kolevaǵa qarsy ótkizedi.
29 jastaǵy Mılena óte tájirıbeli sportshy. Buǵan deıingi jekpe-jeginde ol Sharıpovanyń áleýetti qarsylasy - osy ýaqytqa deıin eshkimnen jeńilip kórmegen reseılik IBO nusqasy boıynsha álem chempıony Svetlana Kýlakovamen, ırlandııalyq olımpıada chempıony Ketı Teılormen kezdesken bolatyn. Sondaı-aq, Frantsııadan shyqqan IBF nusqasy boıynsha álem chempıony Maıva Hamadýchemen de kúsh synasyp kórdi. Qazirgi ýaqytta Koleva álemdik reıtıng boıynsha Sharıpovadan áldeqaıda joǵary ornalasqan. Álem chempıony ataǵy úshin aıqas on raýndqa eseptelgen.
Sharıpova ashyq jattyǵý barysynda jankúıerlerine qalaı daıyndalyp jatqanyn kórsetip qana qoımaı, jattyǵý sońynda kórme qonaqtaryna qoltańba berip, birge sýretke tústi
