Kásipqoı boksshy kásipkerlikpen aınalyspaqshy - baspasózge sholý
***
«Egemen Qazaqstan» gazetiniń habarlaýynsha, Parlamenttiń joǵary palatasy sesııany qorytyndylady. «Parlament Senatynyń Tóraǵasy Qasym-Jomart Toqaevtyń jetekshiligimen palatanyń jalpy otyrysy boldy» dep jazady basylym. Otyrys sońynda Senat Tóraǵasy Qasym-Jomart Toqaev palatanyń VI shaqyrylymy I ses-sııasynyń jumysyn qorytyndylady. Onyń aıtýynsha, palatanyń zań shyǵarmashylyq jumysy nátıjeli bolǵan, Elbasynyń strategııalyq reformalaryn jáne «100 naqty qadam» Ult Josparyn iske asyrýǵa qajetti zańdar der kezinde qabyldanǵan. «Májilistiń jańa quramy jasaqtalǵan ýaqyt ishinde Senat elimizdiń áleýmettik-ekonomıkalyq damýyna qajetti 57 zań jobasyn qabyldap, Parlamenttiń zań qabyldaý jónindegi fýnktsııasyn oıdaǵydaı oryndap shyqqan. Jalpy alǵanda, jyldyń basynan beri Parlament 73 zań qabyldanypty. Senat depýtattarynyń bastamashylyǵymen Eýrazııalyq ekonomıkalyq odaq jáne Dúnıejúzilik saýda uıymy jaǵdaıynda otandyq agrarlyq sektordyń básekege qabilettiligin arttyrý jáne ony tájirıbelik turǵydan iske asyrý máselelerine arnalǵan mańyzdy parlamenttik tyńdaý ótkizilipti.«Dúnıejúzi parlamentteri men din lıderleri ókilderiniń, sondaı-aq, saıasatkerlerdiń qatysýymen terrorızmniń aldyn alýdaǵy dinderdiń róline arnalǵan halyqaralyq konferentsııany oıdaǵydaı ótkizdik. Álemniń 41 elinen kelgen 200-den astam delegat terrorızm men ekstremızmdi úzildi-kesildi aıyptap, álemdik qoǵamdastyqty jahandyq indetke qarsy kúres jolynda kúsh biriktirýge shaqyrǵan málimdeme jasady», dep atap ótti Q.Toqaev. Bul týraly tolyǵyraq «Egemen Qazaqstan» gazetiniń búgingi sanyndaǵy «Senat osy sessııadaǵy jumysyn qorytyndylaldy» atty maqaladan oqı alasyzdar.
Sondaı-aq, bas basylymnyń habarlaýynsha, kásipqoı bokstan orta salmaqta WBA, IBF, IBO jáne WBC tujy¬rymdary boıynsha álem chempıony Gennadıı Golovkın kásipkerlikte ózin synap kórmekshi eken. «Bylǵary qolǵap sheberi ınvestıtsııa salyp, Qaraǵandy qala-synda kómir baıytatyn kásiporyn ashqaly jatyr. Bul jobanyń iske asýyna «Samuryq-Qazyna» ulttyq ál-aýqat qory» aktsıonerlik qoǵamy men jergilikti kásipkerler de atsalysady degen aqpar bar» dep habarlaıdy basylym. Ázirge belgilisi, álem chempıony ashatyn kásiporyn 150 adamdy turaqty túrde jumyspen qamtamasyz etedi dep kútilýde. Bul týraly tolyǵyraq «Kásipqoı boksshy kásipkerlikpen aınalyspaqshy» atty maqaladan oqı alasyzdar.
***
«Aıqyn» respýblıkalyq gazeti ósimdiktanýshy, «Gúlstan» jýrnalynyń bas redaktory Gózól Quljabaevamen ótkizgen suhbatty usynyp otyr. «Aıqynnyń» habarlaýynsha, belgili ósimdiktanýshy, «Gúlstan» jýrnalynyń bas redaktory Gózel Quljabaeva jańa is bastap ketipti. Gózel apaı Qazaqstanda agrotýrızmdi damytatyn sát týdy dep esepteıdi. Ózi Almaty oblysy Eńbekshiqazaq aýdany Táshkensaz aýyldyq okrýgynyń aýmaǵynan 40 gektarǵa jýyq jer alyp, túrli jemister men daqyldar, jıdekter egip, oazıs jasaýǵa belsene kirisken eken. Bul týraly tolyǵyraq «Aýyl sharýashylyǵynyń bolashaǵy shaǵyn sharýashylyqta» atty suhbattan oqı alasyzdar.
***
«Ekspress K» basylymynyń habarlaýynsha, Semeı qalasynda qulyqsyz merdigerlerdiń kesirinen birnege jyldan beri ıadrolyq medıtsına ortalyǵynyń qurylysy aıaqtalmaı tur eken. «Qazaqstan úshin mańyzdy nysan bolatyn osy ortalyqtyń qurylysy tipti sotqa deıin jetken. Onkologııalyq aýrýǵa shaldyqqan adamdarǵa arnalǵan bul ıadrolyq medıtsına ortalyǵynyń qurylysy 2012 jyly bastalǵan bolatyn. Jospar boıynsha, qurylys 2014 jyly aıaqtalaýy kerek edi. Qurylysty toqtatyp turǵan radıoaktıvti qaldyqtardy shyǵarýna arnalǵan arnaıy kanalızatsııa júıesi. Merdiger bul isti sońyna deıin aıaqtamaǵan» dep jazady basylym. Bul týraly tolyǵyraq gazettiń búgingi sanyndaǵy «Brakovaıa opýhol» atty maqaladan oqyńyzdar.
