Kásipqoı boksshy Isa Aqberbaev 11-shi jekpe-jegin ótkizedi

Ázirge onyń 10 raýndyq bul kezdesýdegi qarsylasynyń kim bolatyny belgisiz. 1983 jyly 5 qarashada Almaty qalasynda ómirge kelgen ol buǵan deıin 10 kezdesý ótkizip, onyń bárin (jeteýin nokaýtpen) óz paıdasyna sheshken bolatyn.

Alǵashqy jekpe-jegin 2009 jyly 19 tamyzda Ózbekstannyń Almalyq qalasynda Shýhrat Ishmýhammedovpen ótkizgen Isa Aqberbaev 2012 jyly 12 mamyrda Ýkraınada Brovarı qalasynda argentınalyq Maýro Adrıan Ordıalespen bolǵan sońǵy saıysta Halyqaralyq boks uıymynyń Qurlyqaralyq álem chempıony ataǵyn sátti qorǵap shyqqan bolatyn. Onda 29 jasar almatylyq 37 jastaǵy qarsylasyn 12 raýndtyq jekpe-jektiń 3-raýndynda tehnıkalyq nokaýtpen utty. Bul onyń kásipqoı bokstaǵy 10-ynshy kezdesýi edi. Qazaqstandyq bylǵary qolǵap sheberi endi bul kezdesýde de ústem shyǵatyn bolsa, odan kıin taǵy bir jekpe-jek ótkizip, onda da jeńiske jetse, Halyqaralyq boks uıymynyń aǵymdaǵy Álem chempıonymen judyryq túıistiretin bolady.

Jalpy I.Aqberbaev Halyqaralyq boks uıymynyń bos turǵan Qurlyqaralyq álem chempıony ataǵyn 2011 jyly 36 naýryzda Reseıdiń Ekaterınbor qalasynda jeńip alǵan bolatyn. Al 2010 jyly 4 qarashada Germanııanyń Berlın qalasynda Búkilálemdik boks keńesiniń (WBC) Azııa boks ókildiginiń chempıony atanǵan edi.