Kásipqoı boks: Jańqosh pen Qanat IBO reıtınginde joǵarylady
ASTANA. QazAqparat - Halyqaralyq boks uıymy (IBO) reıtıngisiniń jańa nusqasy jarııalandy, dep habarlaıdy Sports.kz.
Ózgerister Qazaqstan boksshylaryn da syrt aınalyp ótken joq.
Jeńil salmaqta WBA nusqasy boıynsha álem chempıony ataǵynan aıyrylǵan Janat Jaqııanov jalpy reıtıngtiń 19-ornynda qaldy. Jartylaı orta salmaqta óner kórsetetin Janqosh Turarov 66-orynnan 62-orynǵa kóterildi. Birinshi orta salmaq sanatynda Qanat Islam bir orynǵa kóterilip, 7-orynǵa turaqtady.
Jartylaı aýyr salmaq ókili Isa Aqberbaev úsh oryn tómenge syrǵyp, 33-orynǵa tústi. Birinshi aýyr salmaqtyń TOP-100 boksshylary arasynda Álı Ahmedov 58-ornynda qaldy.
