Kásipqoı boks: Jánibek Álimhanulynyń qarsylasy belgili boldy

ASTANA.QazAqparat - Qazaqstandyq kásipqoı boksshy Jánibek Álimhanuly (2-0-0,1KO) Amerıkadaǵy alǵashqy jekpe-jeginde kolýmbııalyq boksshymen judyryqtasady, dep habarlaıdy QazAqparat.

Boksshynyń PR-menedjeri Berik Sultannyń habarlaýynsha, otandasymyz kásipqoı rıngtegi úshinshi jekpe-jegin 28 qyrkúıek kúni Amerıkanyń Kalıfornııa shtaty Oklend qalasynda ótkizedi. Jánibektiń qarsylasy -kolýmbııalyq Karlos Galvan.

Aıta keteıik, Karlos Galvan 2011 jyly 30 qyrkúıekte alǵash kásipqoı rıngke shyǵyp, jalpy 24 kezdesý ótkizgen. 27 jasar boksshy kásipqoı rıngte 16 ret jeńiske jetip, 15 qarsylasyn nokaýtqa jibergen, 7 jekpe-jekte jeńilip, 1 ret teń túsken.

Eske sala keteıik, Jánibek Álimhanuly ústimizdegi jyldyń qańtar aıynda QR ulttyq quramasyndaǵy mansabynyń aıaqtalǵanyn jarııalaǵan bolatyn. Keıinnen kásipqoı boksqa birjola bet burǵany belgili boldy.

Arada kóp ótpeı onyń belgili promoýter Bob Arýmnyń «Top Rank» kompanııasymen kelisimshart jasasqany habarlandy.