Kásipqoı boks: Jánibek Álimhanulynyń AQSh-taǵy alǵashqy jekpe-jegi qashan ótedi
«Kópten kútken jańalyq! Jánibek Álimhanulynyń Amerıkadaǵy alǵashqy jekpe-jeginiń ýaqyty belgili boldy. Buıyrsa, kásipqoı boks jankúıerleri qazaq boks stılin 28 qyrkúıek kúni kóredi. Jánibek batyr tas túıin daıyn! Qarsylasy jaqynda belgili bolady», - dep jazdy óziniń Feısbýk paraqshasynda boksshysynyń menedjeri Berik Sultan.
Belgili bolyp otyrǵandaı, qazaqstandyq boksshynyń alǵashqy jekpe-jegi AQSh Kalıfornııa shtatynyń Alamıda okrýgi Oklend qalasynda ótedi.
Eske sala keteıik, Jánibek Álimhanuly ústimizdegi jyldyń qańtar aıynda QR ulttyq quramasyndaǵy mansabynyń aıaqtalǵanyn jarııalaǵan bolatyn. Keıinnen kásipqoı boksqa birjola bet burǵany belgili boldy.
Arada kóp ótpeı onyń belgili promoýter Bob Arýmnyń «Top Rank» kompanııasymen kelisimshart jasasqany belgili bolǵan.