Kásipqoı boks: Tursynbaı Qulahmet alǵashqy jeńisine qol jetkizdi
Alǵashqy kezdesýinde ol Saǵadat Rahmanqulovpen qolǵap túıistirdi. Jekpe-jekte eki boksshy da tartysty oıyn kórsetti. Alǵashqy raýndta Saǵadattyń basymdyǵy ańǵaryldy. Odan keıin olar teń deńgeıde oınady. Al tórtinshi raýndta Tursynbaı basymdyǵyn baıqatty. Saǵadattyń bapkerleri ony besinshi raýndqa shyǵarmaý jóninde sheshim qabyldady. Nátıjesinde Tursynbaı Qulahmet kásipqoı bokstaǵy alǵashqy jeńisine qol jetkizdi.
Tursynbaı Qulahmet 1994 jyly Qyzylorda qalasynda dúnıege kelgen. 2019 jyly álem chempıonatynda qola júldeger atandy. Ol jartylaı fınalǵa deıin jetti. Jartylaı fınalda fılıppındik Eýmır Marsıalǵa jol berip qoıdy.
Sol jyly Azııa chempıonatynda altynnan alqa taqty. Ol joly fınalda Ashısh Kýmardy qapy qaldyryp ketti. Budan keıin qyzylordalyq sportshy kásipqoı boksqa aýysatynyn jarııalady.
Búgingi boks keshinde budan buryn Raı Seıitjanov qarsylasy Talǵat Bertileýovti, Nurdos Tólebaı qarsylasy Nurjan Maqashbaevty, Alı Baloev áriptesi ıÝrıı̆ Byhovtsevti, Saparbaı Aıdarov Abaı Tóleshten basym tústi. Alda Vıktor Kotochıgov pen Andreı Isaevtyń, Qamshybek Qońqabaev men Isa Akberbaevtyń jekpe-jegi bar.