Kásipqoı boks: Shúmenov chempıondyq ataǵyn qorǵap qaldy
ALMATY. 10 qańtar. QazAqparat /Erbol Turymbetov/ - 8 qańtar kúni Shymkentte ótken kezdesýde WBA jáne IBA tujyrymdary boıynsha jartylaı aýyr salmaqtaǵy álem chempıony,
kásipqoı qazaq boksshysy Beıbit Shúmenov amerıkalyq Ýılıam Djoppıdi tehnıkalyq nokaýtpen jeńdi.
Barlyǵy 6 raýndqa sozylǵan jekpe-jekte jerlesimiz úsh dúrkin álem chempıonyn tize búktirdi. Budan buryn qazaq boksshysy WBO tujyrymy boıynsha álem chempıony ıÝrgen Bremermen jekpe-jekke shyǵýy tıis edi. Jaraqatyna baılanysty kezdesýden bas tartqan onyń ornyn Ýılıam Djoppı almastyrǵan bolatyn.
Jerlesimizdiń basymdyǵymen bastalǵan kezdesýdiń 5 kezeńinde amerıkalyq nokdaýn aldy. Al 6 raýndta soqqyǵa shydamaǵan Djoppı kezdesýdi toqtatýǵa májbúr boldy.
