Kásipqoı boks: Saýl Alvares álemniń absolıýtti chempıony boldy
Búgin 31 jastaǵy meksıkalyq boksshy Las-Vegas (AQSh) qalasynda kezekti jekpe-jegin jergilikti boksshy Kaleb Plantqa (21-1-0,12KO) qarsy ótkizdi.
«Kanelo» aıqastyń bel ortasynan shabýyldy údetip, qarsylasyn rıngte qýyp júrip qysym jasady. Al amerıkalyq boksshy qorǵanysqa kóńil bólip, opponentine aıtarlyqtaı qarsylyq kórsete almady. Qorytyndysynda Plant 11-inshi raýndtyń basynda aýyr soqqydan nokdaýn alyp qaldy. Amerıkalyq boksshy ekinshi ret qulaǵannan keıin tóreshi jekpe-jekti merziminen búryn aıaqtatty.
Osylaısha, Saýl «Kanelo» Alvares IFB tujyrymy boıynsha álem chempıony tıtýlyn jeńip alyp, sýper orta salmaqta barlyq chempıondyq beldikterdi biriktirdi. Buǵan deıin, meksıkalyq boksshy WBC,WBA,WBO jáne The Ring beldikterin ıelengen bolatyn.
Aıta keteıik, «Kanelo» kásipqoı mansabynda jalpy 60 jekpe-jek ótkizip, tórt salmaq boıynsha álem chempıony atandy.
Eske sala ketsek, qazaqstandyq boksshy Gennadıı Golovkın (41-1-1,36KO) men Saýl Alvares arasyndaǵy alǵashqy jekpe-jek 2017 jyly teń nátıjemen aıaqtalǵan edi. 2018 jyly qyrkúıek aıyndaǵy ekinshi aıqasta «GGG» tóreshiler sheshimimen jeńilis tapty.
