Kásipqoı boks: Rýslan Myrsataev tórtinshi jeńisine qol jetkizdi
ASTANA. QazAqparat - Kásipqoı boksta asa aýyr salmaqta óner kórsetip júrgen Rýslan Myrsataev (3-0, 3KO) argentınalyq Andreas Matıasty (5-0-0, 5 KO) nokaýtpen jeńdi, dep xabarlaıdy QazAqparat tilshisi.
Birinshi raýndta Rýslannyń aýyr soqqylary dittegen jerge jetti. Alaıda argentınalyq boksshy da qarap qalǵan joq. Qarymta shabýyldaryn oryndaı bildi.
Ekinshi raýndta Rýslan Myrsataev óz qarsylasyn sabap júrdi. Úshinshi raýndta nokdaýnǵa túsirdi. Al tórtinshi raýndta serııalyq soqqylarymen Andreas Matıasty nokaýtqa jiberdi. Argentınalyq boksshy óz kúshimen tura almady. Osylaısha, Rýslan Myrsataev kásibı bokstaǵy tórtinshi jeńisine qol jetkizdi. Al Matıas bes jeńisten keıin alǵash ret jeńilip qaldy.
Aıta keteıik, búgingi boks keshiniń basty jekpe-jeginde Qanat Islam (24-0, 19KO) kanadalyq Brendon Kýkke (18-0, 11KO) qarsy shyǵady. Olar birinshi orta salmaqtaǵy WBA Inter-Continental jáne WBO-NABO nusqasynyń chempıondyq ataqtaryn sarapqa salatyn bolady.
Boks keshin «Qazsport» telearnasy tikeleı efırde kórsetip jatyr. 20:00-ge «Qazaqstan» ulttyq arnasy da tikeleı efırge shyǵady. Budan bólek, Fite.tv ınternet arnasy, sondaı-aq TVtibi men Flipps arqyly tikeleı reportajdar júrgiziledi.
Alǵashqy jekpe-jekte qazaqstandyq boksshy Meıirim Nursultanov bir mınýttyń ishinde óz qarsylasyn nokaýtpen jeńdi.
Al «Nıý-Iorktyń úzdik polıtseıi» Dımash Nııazov elirgen qarsylasyn sabasyna túsirdi .
Qazaqtyń jas nokaýtery Aıdos Erbosynuly da kezekti jeńisine jett i.
Al Álı Axmedov óz qarsylasyn texnıkalyq nokaýtpen jeńdi.
Nursultan Jańabaev ta ózýádesin oryndap shyqty.
