Kásipqoı boks: Nursultanov salmaq ólsheý rásiminen sátti ótti
ASTANA. QazAqparat - Búgin Nıý-Iorkte qazaqstandyq kásipqoı boksshy Meıirim Nursultanov salmaq ólsheý rásiminen sátti ótip, qarsylasymen kóz túıistirdi, dep habarlaıdy QazAqparat tilshisi.
Otandasymyzdyń qarsylasy amerıkandyq Erık Mýn. Ol qazirge deıin jeti kezdesý ótkizip, barlyǵynda jeńiske jetken. Onyń altaýyn merziminen buryn aıaqtaǵan. Al Nursultanov osyǵan deıin tórt kezdesý ótkizip, barlyǵynda mereıi ústem bolǵan. Sondaı-aq úsh jekpe-jegin merziminen buryn aıaqtaǵan. Aıqas Astana ýaqytymen 26 qarasha kúni tańǵa sáıkes keledi.
Búgingi salmaq ólsheý rásiminde otandasymyzdyń tarazydaǵy taza salmaǵy 161,6 fýntty (73,03 kg), amerıkalyq Mýnnyń salmaǵy 162,2 fýntty (73,5 kg) kórsetti.
Aıta keteıik, Nursultanov jartylaı aýyr salmaqta WBO belbeýi úshin ótetin Sergeı Kovalev (30-2-1, 26 KO) pen Vıacheslav Shabranskıı (19-1, 16 KO) arasynda ótetin boks keshinde óner kórsetedi.
