Kásipqoı boks: Nursultan Jańabaev WBO reıtınginde úzdik 15 boksshynyń qataryna endi

NUR-SULTAN. QazAqparat – Jartylaı orta salmaqtaǵy qazaqstandyq kásipqoı boksshy Nursultan Jańabaev (8-0, 5KO) Búkilálemdik boks uıymynyń (WBO) úzdik 15 boksshysynyń qataryna endi, dep habarlaıdy QazAqparat tilshisi.

Reıtınginiń jańartylǵan tiziminde Nursultan Jańabaev 15-shy orynnan kórindi.

«Reıtınginiń burynǵy kóshbasshysy lıtvalyq Egıdııýs Kavalıaýskas amerıkalyq Terens Kroýfordqa ese jibergennen keıin birinshi orynnan onynshy orynǵa bir-aq syrǵydy», - dep habarlaıdy «Qazaqstan kásipqoı boksynyń» áleýmettik jelidegi paraqshasynda.

Aıta keterligi, Nursultan Jańabaev 21 jeltoqsanda Reseıde sharshy alańǵa shyǵýy kerek bolatyn. Alaıda jattyǵý barysyndaǵy jaraqat saldarynan aıqas ótkizilmeıtin boldy.

Eske sala ketsek, Nursultan Jańabaev buǵan deıingi jekpe-jeginde úsh chempıondyq tıtýl úshin ótken aıqasta aýstralııalyq qarsylasynan aılasyn asyrǵan bolatyn. Aýstralııanyń Sıdneı qalasyndaǵy ICC Exhibition Centre arenasynda ótken boks keshinde qazaqstandyq WBA Inter-Continental, WBO Oriental jáne IBF Pan Pacific tıtýldary úshin bolǵan jekpe-jekte jergilikti boksshy Stıv Gagony jeńdi.

foto: vk.com/kazproboxing